ප්‍රශ්නය : වතුර හිඟ කම - පිලිතුර: පාර පළල් කර දෙපස ගෙවල් අලංකාරකරණයට මුදල්......

. Tuesday, November 10, 2009
  • Agregar a Technorati
  • Agregar a Del.icio.us
  • Agregar a DiggIt!
  • Agregar a Yahoo!
  • Agregar a Google
  • Agregar a Meneame
  • Agregar a Furl
  • Agregar a Reddit
  • Agregar a Magnolia
  • Agregar a Blinklist
  • Agregar a Blogmarks

මෙතෙක් කතාව

බුත්තල ප්‍රදේශයේ මිනිසුන් පීඩා විඳින බලවත්ම ගැටළුව වූයේ ජලය හිඟ කමයි. ඒ සඳහා කළ යුතු සුදුසුම පියවරක් වන්නේ ජලය ලබා ගැනීම සඳහා වැවක් ඉදි කිරීමයි. එහෙත් එවැන්නක් නොකර ඒ වන විට එම ප්‍රදේශයේ රුපියල් කෝටි ගණනක් වැය කර මහා මාර්ගයක් ගම් උදා ව්‍යාපෘතිය මගින් ඉදිකරගෙන යමින් තිබිණි. මහා මාර්ගය පළල් කොට අළුතින්ම ඉදි කිරීම වරදක් නොවේ. එහෙත් ප්‍රදේශයට පවතින බලවත්ම ගැටළුව මහා මාර්ගය නොව ජලයයි. එපමණක් නොව බුත්තල ප්‍රදේශයේ ගොවියන් බහුජාතික සමාගම් වල සදාකාලික ණයකරුවන් වී හිඳිති. ඔවුන් ණය කරුවන් කරමින් මහපාරට පෙනෙන ගෙවල් පමණක් ප්‍රතිසංස්කරණය කිරීමට මුදල් ලබා දෙයි. මේ තත්වය මයිකල් පියතුමා රිස්සුවේ නැත. ගැමියන්ගේ අදහස් හා
අවශ්‍යතාවයන් නොසලකා නිලධාරීන්ට අවශ්‍ය පරිදි වැඩ කරීමෙන් මේ අහිංසක මිනිස්සුන්ට කිසිවිටෙක යහපතක් සැලසෙන්නේ නැත.

ප්‍රදෙශයේ ඇතැම් තරුණයින් මෙන්ම වැඩිහිටියන්ද කසිප්පු පෙරීම, ගංජා වැවීම ව්‍යාපාර වශයෙන් කරගෙන යමින් සිටියහ. අයි. ආර්. සී. කාරයෙක් යැයි ගමේ මෙලෙස හංවඩු ගැසී තිබූ එක්තරා තරුණයෙක්ව මයිකල් පියතුමා පණිවිඩයක් යවා සුබසෙත් ගෙදරට කැඳවීය.

ඔහුගේ මුහුණේ තිබුණේ කැළඹිලි සහගත බවකි. මඳක් පැකිලෙමින්, හිස කසමින් දෑඟිලි මිරිකා ගනිමින් තරුණයා පියතුමා සමීපයට පැමිණියේය.

"සුවාමි මට එන්නයි කිව්වේ?" තතනමින් ඔහු විමසීය. "ඔව්" යන අරුත පළවෙන සේ පියතුමා හිස සැලුවේය.

"වාඩි වෙන්න" පියතුමා ගේ ඉදිරිපස වූ පරණ පුටු කිහිපය දෙසට අත දිගු කරමින් කීය. තරුණයා සමඟ සුහද ලෙස කතා බහේ යෙදුනු පියතුමා පිළිබඳ ඔහුගේ සිතේ වූ කුකුස සහ බිය සහමුලින්ම දුරුව යමින් තිබිණ.

"සුවාමිට වුණත් මේ හිටපු අවුරුදු කීපෙට තේරිලා ඇතිනේ? කසිප්පු විකුණන්නේ ආසාවට නෙමේ. බඩිගින්න නිවාගන්න ගතමනාවක් හොයාගන්න. කැලේ ගංජා වවන එකත් ලේසි පහසු දෙයක් නෙමේ. තුන් තිස් පැයේම ඒ කාරණා දෙක හින්දා අපි ඉන්නේ හිතේ බයෙන්. කොයි වෙලේ පොලිසියට අහුවෙයිද දන්නේ නෑ. නිදා ගන්නෙත් දවසට පැය කීයද? ඒකත් අඩ නින්දක්.

------ 67 ------

0 comments: