ආගම තිබිය යුත්තේ මිනිසුන් සඳහාය. එසේ නැතිව මිනිසුන් පවතින්නේ ආගම සඳහා නොවේ.

. Monday, October 19, 2009
  • Agregar a Technorati
  • Agregar a Del.icio.us
  • Agregar a DiggIt!
  • Agregar a Yahoo!
  • Agregar a Google
  • Agregar a Meneame
  • Agregar a Furl
  • Agregar a Reddit
  • Agregar a Magnolia
  • Agregar a Blinklist
  • Agregar a Blogmarks

පූජකවරුන්ට අයත් නීති අකුරටම පිළිපදිමින්, පූජකවරයා සතු කාර්යභාරය හොඳින් හඳුනාගෙන සිටි එතුමා සමාජයට හිතදායී පූජකවරුන් පුහුණු කිරීම සම්බන්ධයෙන් එම වගකීම භාර ගත්තේ මහත් කැමැත්තෙනි.

මේ කාලය වනවිට මෙරට සඟ, වෙද, ගුරු, ගොවි, කම්කරු යන මහා පංචවේද බලවේගයන්ගෙන් සැදි දෙශියත්වයට සිංහල භාෂාවට මුල් තැන දෙන ව්‍යාපාරයක් එස්. ඩබ්ලිව්. ආර්. ඩී. බණ්ඩාරණායක මැතිතුමාගේ නායකත්වයෙන් දියත් වෙමින් තිබිණි. ඒ වන විට මෙරට නිදහස ලබා වසර 7ක් පමණ ගත්වී තිබුණද සිංහලයට තැනක් තිබුණේ නැත. සියල්ල සිදුවූයේ ඉංග්‍රීසි භාෂාවෙන්මය. සුද්දන් අපේ රට හැරගොස් තිබිණි. අපට නිදහස ලැබී තිබුණද ඉංග්‍රීසි උගත්කම අවශ්‍ය දෙයක් සේ සළකන්නට මිනිසුන් පුරුදුව තිබිණි.

මයිකල් පියතුමා මෙ පිළිබඳව ගැඹුරින් සිතා බලන්නට විය. තමන්ගෙන් පුහුණුව ලබන පූජක සිසුන් අනාගතයේ සේවය කළ යුත්තේ සිංහල දෙමළ වශයෙන් වන මේ රටේ ජනතාවයටය. එහෙත් පල්ලියේ සියළු වත් පිළිවෙත් පැවැත්වෙන්නේ ලතින් භාෂාවෙනි. ජේසුස් වහන්සේ පවා තමන් විසූ රටේ ජනතාවට ආගම අවබෝධය ලබා දුන්නේ එම ජනතාවගේ භාෂාවෙනි. එබැවින් ලතින් බසින් පල්ලියේ වත් පිළිවෙත් ගීතිකා ආදිය පැවැත්වීම වෙනස් කළ යුතු යැයි මයිකල් පියතුමා කල්පනා කළේය. ආගම තිබිය යුත්තේ මිනිසුන් සඳහාය. එසේ නැතිව මිනිසුන් පවතින්නේ ආගම සඳහා නොවේ.

හැමවිටම තමන්ට සිතෙන දේ කරන්නට මයිකල් පියතුමා පසුබැස්සේ නැත. මෙහිදී ඔහු හැම විටම සෑම දෙයක් පිළිබඳවම ගැඹුරින් සිතා බැලුවේ පොදු ජනතාවගේ පැත්තේ හිඳගෙනය. ඒ අනුව නිවැරදි යනුවෙන් සිතට නැගෙන දේ කළේය.

"ඔය ගොල්ලන් අද මෙහේ පුහුණුව ලබලා අනාගතයේදි සේවය කරන්නේ මේ රටේ ඉන්න සිංහල දෙමළ ජනතාවට. හැමවෙලාවෙම මිනිසුන්ට යමක් කියාදෙන්නට ඕනෙ ඒගොල්ලන්ට තෙරෙන භාෂාවෙන්. එතකොටයි ඒ අයගේ හිතට ඒවා කාවදින්නේ.

මයිකල් පියතුමා තම ශිෂ්‍යන්ට නිතර නිතර පැවසීය. දෙව්සත්හල තුළ ඉගැන්වීම් කටයුතු කිරීමේදි ලතින් ගීතිකා ඔහු සිංහල භාෂාවට නැගුවේය.


------ 32 ------

0 comments: